لقد كنت أحاول ان أفهم ماذا يعني أن نكون بهذه الطريقة من السذاجة ونسلم ذقننا لحركة مسلحة فاشية مثل 6 أبريلأستخدمت أحقر الأساليب لأستفزاز النظام السابق وتحرير عقول الملايين من المصريين ورصد كامل للظلم والعدوان المسيطر على المصريين من حكومة مبارك الملوثة بدم المصريين لم أفهم تماما لماذا لا يتم إتهام حركة 6 أبريل من سنة 2009 بتهمة الخيانة العظمي للدولة ماداموا هم خونة ويريدون إسقاط الحكومة والنظام وأيضا يتدربون في صربيا على عمل لوجوهات ونشر قيم الحرية وعدم أستخدام العنف في المطالبة بالحقوق وطريقة نشر فكرة التغيير من المجتمع المظلم إلى المجتمع النظيف صاحب القرار الأول والأخير وصاحب الأرادة الشعبية
لم ارى يوما نذالة مثل التي فعلته فينا حكومة مبارك السابقة بعدم القبض على هؤلاء الخونة العملاء اللي بيتدربوا فيصربيا كمان !!! وكأن الحكومة كانت عارفة أنها هتسقط فقالت أحنا نسيبلهم 6 أبريل علشان يخزوقوا الشعب ويخربولهم البلد وبعد أشهر قليلة من الثورة المجيدة جاء إلينا المجلس العسكري الموقر بقرار ليحذر الشعب المصري العظيم بأن يتصدى لتلك الحركة الفاشية التي مهمتها الإيقاع بين الشعب الديش
ولكن مهلاً ألم يلاحظ المجلس العسكري بكل قاداته بأن الشعب المصري العظيم مش بيقول الجيش والشعب أيد واحدة ليه كام شهر !!!!
هما مخدوش بالهم بأن الشعب المصري البسيط مبقيش بيثق في جيشه مش لأن الجيش وحش لأ لأن المجلس سوء سمعة الجيش أي نعم هوة دا اللي حصل
دا بالأضافة إلى أننا كان عندنا زمان صفحة واحدة أسمها أنا أسف يا ريس دلوقتي بقى عندنا مليون صفحة اسمها أنا أسف يا مجلس .
فقد أصور الأن من يؤيد هذا المجلس الفاشي بمعني الكلمة بأنه من انصار الرئيس المخلوع القاتل لأن اللي ميشوفش م الغربال يبقى اعمي
طيب لو عمو اللوا بتاع الجيش عنده حاجة تدين الشباب بتوع 6 ابريل مش بيفضحها ليه ؟؟ مش بيوريها للشعب المصري ولا هوة المجلس وأعضاءه لا ينطقون عن الهوى علشان نصدقهم ؟؟؟
حرام عليكم شباب 6 ابريل بلا أستثناء تم القبض عليهم لو عليهم أي حاجة مكناش هنشوف حاجة أسمها 6 ابريل الناس دي كانت بتتبهدل وتتشتم وتضرب وتتهان ليه كل دا علشان في الأخر يجي شخص زي اللواء الرويني يقعد يتكلم عنهم ولما حد يجي يتكلم عنه وعن أخطاءه يقولك حط أحمر بطلوا بقى هتخربوا البلد .. المصري غلبان بس مش غبي وبيفهم كمان
وفي النهاية أحب أقول حاجة لو 6 أبريل أتدربوا برا فأنا أحب اشكر المركز أو المؤسسة اللي دربتهم لانهم عملولنا شباب واعي وبيقدر يغير من غير ما يأذي بلده ولا يخربها وأظن أنكم عارفين مين اللي خرب البلد ومين اللي حرقها
فكل واحد متفزلك وبيقول 6 ابريل تمويل برا أحب أقولك أن المؤسسة العسكرية تمويل برا والداخلية تمويل برا وجمعيات المجتمع المدني بتاعة ختان الأناث والتشرد الأطفال تمويل برا بس الفرق بينهم وبين 6 ابريل أنهم عرفوا يحركوا شعب 80 مليون مصري ويحرروا مصر من الظلم والأستبداد بمساعدة الشعب المصري
ملعومة بسيط :: القوات المسلحة ترسل 149 بعثة سنوية من 5000 مجند للتدريب في أمريكا سنويا والداخلية على نفس النهج
تحياتي
ليست هناك تعليقات:
إرسال تعليق