بعد أن بدأ هذا الشعب العظيم في الأعتقاد بأن الثورة قد أنتهت بدا يحسس على مطالبه ومنها مطالب لازم تحقق فورا ومنها مطالب فئوية ومنها مطالب عبيطة مش هتتحقق أصلا
بدات أشكال المطالب الثلاثة هذه تتعارك مع بعضها لكي تقول للأخرى أن الأحق منكي بالتحقيق وبالطبع أحنا في الموافق دي هناخد بمثل كل واحد دماغه عجباه
المصيبة أن ال شعب بدأ يتشتت في ثلاثي أشكال المطالب وكأن الثورة أنتهت مطالبها وخلاص كله تمام وقشطة لدرجة أني حسيت أن الثورة دي كنا بنعملها سبت وخميس ولكن في النهاية بعد تشتت المطالب وجدت أن مطالب الثورة لا تنحاز لأحد ولكنها تنحاز فقط للمصريين ولكني أيضا تأكدت أن هدفها الأساسي إعادة كرامة الموطن
ما علينا
كل دا زي الفل طب إيه اللي بيحصل
هقولك يا سيدي
اللي بيحصل دا كالتالي أن كل مواطن مصري نسي أساسا أن في ثورة قامت علشان مطالب معينة
واللي شوفته من المجلس العسكري أنه بيعمل حاجة ظريفة بيدينا عينة بسيطة من مطلبنا عايز يورينا أنه بيحققها
يعني بالنسبة لمطلب المعتقليين هوة بصراحة نفذهولنا طلعلنا 2 -3 من المعتقلين اللي أساسا مخلصين فترتهم وقالنا أهه انا بحقق مطالب الثورة
حسسني بجد أنه بيرمي عضمة لكلب ومشي
وحجات كتير من دي الغريبة بقى أني لقيت أن الجيش بدأ يطلع في معتقلين قدام جدا
ويدخل غيرهم بالألوفات مش الحرامية لا يا جماعة من شباب الثورة اللي هوة بيحاكمهم دلوقتي
طيب دي حاجة
الحاجة التانية
هي عدم اعتقادي بأن الجيش أحترم أساسا أن دي ثورة
عارفين ليه
لان بعد أي ثورة في العالم المفسدين أو الحرامية بمعني أصح اللي كانوا سبب الفساد في البلد بيتم تحويلهم لمحاكمة عسكرية عادلة دا طبعا محصلش أمال يا جماعة مين اللي بيتحاكم محاكمة عسكرية عارفين مين ؟؟؟؟؟
الثوار
أه وربنا الثوار على راي اللي قال بيعاجبوهم
ونوارة نجم كتبت أمبارح ماذا تفعل لو كنت حرامي
http://bit.ly/j0xdVN
في تدوينة بتوضح اللي عمله الشعب علشان يرضي المجلس العسكري وبرضه مش عاجب
القصة وما فيها أن الشعب هوة مصدر السلطات بس مع المجلس العسكري الشعب يركن شوية وأحنا مصدر السلطات
ملحوظة يا جماعة هية سُلطات مش سَلطات
أحنا مش عايزين مجلس عسكري يحدد مصير بلدنا أحنا عايزين الشعب هوة اللي يحدد مصيره
في النهاية اوجه رسالة إلى المجلس السنكري : أحيات أبوك أحيات عيالك يا شيح متعاملش الشعب المصري على أنه عيل مش عارف مصلحته أتقي الله بقى
ومطالب الثورة لو متحققتش في ثورة جديدة
وبالمناسبة عايز أسأل
مين نازل يوم 27
http://on.fb.me/iTtLyc
