يا سبحان الله !!!!!
مكنتش مصدق أني في يوم هقول الكلام دا بس ما علينا كل شخص وحر في أنه يبقى عيل قدام نفسه
الموضوع يا سادة أصوات أخواتنا اللي في الخارج (المصريين يعني) كنت في من فترة بقول على هذه الأصوات أنها ممكن تكون غير مُجدية أو يتم شرائها أو أي حاجة من الكلام الفراغ اللي بيقوله المجلس السنكري بتاعنا
بس انا مكنتش بقول الكلام دا علشان المجلس العسكري بيقوله لأني كنت بقوله من قبل ما يكون في ثورة أساسا
ولكن بعد تفكيري العميق في كل المرشحين وتأيدي الرهيب للدكتور البرادعي جعلني اعيد التفكير في هذا الأمر
وحاولت أفكر !!!! أصدقائي اللي موجودين في الخارج بيفكروا أزاي هل فكرهم مذبذب أم هم مثل المصريين مش بيفهموا في أي حاجة غير السياسة والمٍشبك لقيت أنهم مدركين أكتر مننا وبشكل واضح لكل اللي بيحصل في مصر علشان إيه ؟؟؟؟
1- معندهم أعلام فاسد أعلامهم حر
2- أفكارهم غير تابعة لجماعة أو تفكير يوجههم
3- حبهم للوطن لأنها مش فارقة معاهم هما عايزين بلدهم أحسن حتى لو حكمها شارون
4- معندهمش أمن دولة
مع كل العوامل دي وأكتر بتتكون أفكار موحدة و تحت دراسة وعن أقتناع بالشخص اللي هيقود مصر في المرحلة المقبلة
الغريبة بقى أن كل اللي سألتهم من أصدقائي المقيمين في الخارج كلهم صوتوا على البرادعي لأنهم عارفين كل اللي أتقال عنه
لدرجة انهم عارفين الأشعات اللي كان بينشرها مصراوي واليوم الساقع عن الراجل الكومل دا
وهما عارفين كمان عداوته لأسرائيل
وحجات تانية كتير تأهله أنه يكون رئيس لمصر في هذه الظروف العصيبة
نرجع لموضوعنا
أصواتهم دا بعد كل دا هتترمي في الزبالة ومش هيتاخد بيها
على فكرة عدد المصريين الوجودين في الخارج 12 مليون مصري بالغ
يعني لو قولنا أن نصهم هينزل يصوت
أعتقد أن أصواتهم هتفرق بنسبة 16و8 في المية
بغض النظر عن تأيديك أو عدم تأيديك للبرادعي أو أختلافك معاه
إلا أننا لازم نجمع على أنه مرشح له ثقله في هذه الأنتخابات
بغض النظر عن كل الكلام دا كان نفسي في يوم كدة من الايام قبل ما أموت أسمع كلمة
الصندوق مبيكدبش
في كل الأحوال أنا متفائل وهتفائل طول ما انا بعمل اللي عليا وطول ما ربنا معنا مصر هتكون أحسن
ليست هناك تعليقات:
إرسال تعليق