مصر بقت قاسة أوي على أهلها
دي لو تفتكروا كلمة قالتها هند صبري لعادل إمام في فيلم عمارة يعقوبيان ودي تقريبا كانت أحسن كلمة أتقالت في الفيلم دا
ودا أدق تعبير للي بيحصل دلوقتي
ولكن السؤال مصر دي معناها إيه ومين أهلها دول ؟
أكيد التعبر الأمثل أن مصر ممثلة في الحكومة وأصحاب النفوذ
وأهلها دول اللي بيشتغل في الساقية بتاعتها .
ودا تقريبا أدق تعبير للجملة دي !!!!
الحاجة التانية تقريبا نص الشعب المصري يردد كلمة أحنا شعب منجيش غير بالضرب والأستعباد
أحترامي لكل من قال هذه الكلمة ولكن ؟؟
هل يوجد في يومنا هذا أستعباد ؟؟
الأجابة : لا أمال ليه الكلام دا
الكلام دا ان للأسف المصريين كشعب فيهم مشكلة من ألاف السنين
المشكلة أننا بنخلي صاحب السلطة والنفوذ هو المتحكم الرئيسي فينا أحنا كبشر
وعلى فكرة أحنا للأسف كشعب مستعبدين بالفعل !!!!
دا أحنا من ألاف السنين كمان مستعبدين ؟؟؟
ربنا بيقول
اذهبا إلى فرعون إنه طغى
ربنا بيدعوا سيدنا موسي علشان فرعون ظغى ظغى على مين على المصريين
ويا جماعة لازم نعرف أنا المصريين من الحكومة أو أصحاب النفوذ
المصريين هم الاغلبية من المصريين يعني الطبقة الفقير
يعني الأرض دي بتاعتهم مش بتاعة حد تاني
ولكن النظام لابد منه
ودي الثغرة الوحيدة عند المصريين
النظام !!!!
النظام : اللي تقدر من خلاله أي سلطة أنها تبطش على المصريين لأن أي شعب محتاج للنظام وبالذات الشعب المصري
وبالتالي النظام هو المتحكم الرئيسي في الشعب علشان ينظمه ولذلك سما نفسه أسم لطيف إذ هو الحكومة وبعد كدة بدات الحكومة في النظام وتنفيذ قرارات الحماية الكاملة للشعب اللي المفروض أنهم موظفين عند الشعب ( على رأي هاني رمزي ) ودا فعلا الحكومة موظفة عند الشعب علشان تدير مصالحه وحمايته ولذلك تحتاج بعض الصلاحيات علشان تقدر تنفذ مهمتها ودي كانت الحجة الاساسة علشان الشعب يرضى
وللأسف بدأت الحكومة في أخذ صلاحيات كبيرة لها لدرجة أننا منقدرش نعارضها وأصبحت الحكومة أرض صلبة لا يمكن زعزعتها وعن الرد على أي معارضة من الناس هيكون كالتالي مش أنتوا اللي أخترتونا !!!
ومن هنا يبدأ الفساد يدخل من أكتر من ناحية وللمصالح الشخصية وبدات الحكومة في السطو على الناس وقربت توصل لطغيان فرعون ( زي ما حصل في أسيوط والمنيا )
ومحدش للأسف عارف يوقفهم ...
الشعب المصري نسي حاجة مهمة جدا
في أي منهج أمريكي يوجد مادة أسمها السياسة العامة
وبها باب أساسي أسمه الضغط على الحكومات
معنى دا إيه ؟؟؟
علشان ميحصلش ثورة والشعب يعمل أنقلاب لو حد مش عجباه حاجة في البلد يضغط على الحكومة باي طريقة وهياخد اللي هوة عايزه يبقى هما كدة ضربوا عصفورين بحجر الحكومة فاقت ونفذت مطالب الناس ومحصلش أنقلاب
وللاسف ثقافة الضغط على الحكومات وصلت المصريين متأخر قوي لأن الأعتصامات دي موضة جديدة جدا وأحنا يمكن مكناش بنسمع عنها كتير بالرغم أن اغلبها مبيجبش نتيجة بس في النهاية دي الناس عملت اللي عليها !!!
مصير الحكومة ...
الحكومة المصرية حكومة ليست واعية لأنها يحكمها المصالح ولذلك سيحدث أنقلاب قريبا
(البروفيسور (ناثان براون) أستاذ العلوم السياسية والشؤون الدولية)
جعلت الحكومة المصرية نفسها أكبر عدو للشعب وذلك من خلال أستغلالها للصلاحيات وتخطي حقوق الأنسان وجعل الأجنبي ذو كرامة أكبر من المصري بالرغم من أنه الضيف المشكلة ليست في الحكومة نفسها أنما في المصريين ولكن لكل شيء نهاية ونهاية السيء الأسوأ وللأسف ستكون العواقب وخيمة
في النهاية
المصريين لا تحب الحكومة لان الحكومة لا تحميهم والحكومة لا تحترم الشعب لأن الشعب أقل من الحكومة والنظام يريد الأستمرار فعليه دعم الحكومة وللحكومة مصلحة في أستمرار النظام فإن الدائرة مغلقة بين الشعب والحكومة الأمر الذي سيجعل الشعب ينتفض على الحكومة ومما يجعل الحكومة في حيرة من أمرها إما العودة لصفوف الشعب أم مقاومة الثورة وأعتقد ان الأختيار الثاني سيحدث لانها تريد فقط حماية مصالحها .
تحياتي
ليست هناك تعليقات:
إرسال تعليق