أسلامية أسلامية أسلامية
واللي حصل النهاردة ميرضيش ربنا
خسأت أيها المجلس عار عليك أن تدخل مسجد بالنعال وتسب وتلعن في ميكرفون المسجد
هذا ما كنت أريد أن أسمعه من رجال الشيوخ أو أشباه الشيوخ
طيب بصوا من الأخر أنتوا قطعتوا عيش 67 موظف منها وخليتوا أكتر من 800 عميل ميدفعوش الفاتورة وخليتوا منظرنا زبالة قدام العالم وخسرتوا شركة 20 مليون في شهر بالرغم من أن الراجل اللي أنتوا بتكرهوه المستفيد رقم 4 من الشركة وضربتوا مثل رائع في الأستهبال وقلة الضمير
من الاخر أنا بتكلم على الناس بتوع مقاطعة منتجات ساويرس أه هما متستغربش أنا بتكلم على موبينيل
أنا بتكلم على راجل ملوش أي لازمة قاطعتوه وقاطعتوا منتجاته طيب أنا معاكم ومع أنه مخسرش حاجة بس ماعلينا
زعلتوا قوي من ميكي وميني بالنقاب وأعتبرتوها إهانة للأسلام ماشي
وكل الناس كانت بتنتقم وبتكسر شرايحها ماشي
الموظفين أتقطع عيشهم وقولنا ماشي وشايفين دا وعارفين دا ماشي
طيب مش إهانة للأسلام ولكل المسلمين أن أفراد الشرطة العسكرية المتمثلة في المجلس العسكري تدخل المسجد بالجزم طيب هوة مش إهانة للأسلام لما تضرب الناس اللي في المسجد وتحصل إصابات في بيت الله اللي المفروض له حرمته
الناس أحتمت في المسجد حتى لو كانت مجرمة تعطى الأمان حتى تخرج دا أمن الدولة لما كان بيحب ياخد حد كان بياخده بعد لما يخلص صلاة بجد أحنا أسفين يا أمن الدولة أنتوا مش واخدين بالكم أنه لم يحدث أقتحام لجوامع إلا في الحملة الفرنسية يعني من سنوات بعيدة
يعني اللي عملوا المجلس النهاردة عملوا عدونا من سنوات بعيدة جدا كمان أعتذر
يعني المجلس العسكري لم يهين النقاب ولم يهين الرسول ولم يهين المسلمين ولكنه أهان الأسلام وحرمة بيت الله
أنا مش بهزر ولا حتى ببالغ ما حدث اليوم لو دونه التاريخ سيكون عار على الجيش أن تبدر منه هذه الفعلة
أنا مبقتش طايق نفسي بجد ومش عارف الأسلاميين أو المتأسلمين هينطقوا بكلمة على اللي حصل النهاردة ولا لأ واللي نطق بكلمة حتى الأن هوة الدكتور عصام العريان عامل زي اللي صمت دهراً و نطق كفراً بجد هل دا مبرر تعملوا نفسكم مش شايفين اللي حصل النهاردة يبقى بجد عار عليكم طول الحياة ولعنكم الله في الدنيا والأخرة أيها المتأسلمون
وللعلم مصر فوق الجميع
تحياتي
ليست هناك تعليقات:
إرسال تعليق