بعد أن قام الشعب بثورته العظيمة أنتقل من كلمة الشعب يريد إسقاط النظام إلى كلمة أكثر تفائلا وبريقا وهي الشعب يريد بناء النظام وهذا الأمر أثار حفيظتي عدة مرات حيث نظرت نظرة عابرة إلى بعض الثورات الناجحة التي حدثت على مدار التاريخ لم أرى أي منها أنتهى في أقل من شهرين كما فعل الشعب المصري فيثورته (خلصها بدري بدري ) علشان كله يروح شغله وفي النهاية أسمنا قمنا بثورة أي خدمة تعالوا كل يوم
ولكن هل هذا صحيح؟؟؟؟؟
الواقع المر !!!!
1- لم يتم تغيير رموز الفساد الحقيقي وظلوا في أماكنهم كناية عن ترقيتهم
2- تكريم بعض من الظباط المتهمين بقتل المتظاهريين وترقيتهم
3- الحجر على صوت الاعلام وسجن المدونين وتحويلهم لمحاكمات عسكرية
4- التباطؤ المتناهي في محاكمة رؤوس الفساد
5- التباطؤ في الحكم على قتلة المتظاهريين
6- ولا سيما الأستهبال في محاكمة الرئيس المخلوع حسني مبارك
7- الأخبار الضبابية عن تواجد مبارك داخل مصر أو خارجها
8- عودة الشرطة بحرية في الشوارع مع سماعنا بأنتهاكا ت لهم كل يوم
9- أنشغال كل الأحزاب والحركات والجماعات في الأعداد للانتخابات والتحدي على الدستور ولا الأنتخابات أولا
10- هدوء الرأي العام بشكل مبالغ فيه حيث أن تحريك الشارع مرة أخرى أشبه بتحريك أبو الهول صباع رجله الصغير
11- المحاكمات العسكرية للمدنيين والمعتصمين
12- إهانة الثورة من قبل عناصر مهمة في أجهزة الدولة
13- تخويف المواطنين بالاحكام الصادرة ضد المعتصميين وقانون تحريم الأعتصامات
14- النجاح الباهر للثورة المضادة وأنتهاء مهمتها إلى هنا حيث أنهم أختفوا من على الساحة بعد نجاحهم مثل صفحة أنا أسف ياريس
15- المجلس العسكري اللي مش راسي على بر هوة هيسلمها لمدني ولا هياخدها هوة
التفسير المنطقي !!!!
الشعب كل يوم مش هيقوم بثورة إذا أعمل اللي هقولك عليه وانت هتلاقي الحكاية مشيت تمام
هبدأ معاكم من أول يوم التنحي (يا سادة ما سأكتبه هنا مجرد أجتهادات شخصية ليس أكثر لأني غير متاكد من صحتها) لزم التنويه
قبل يوم التنحي أتفقت القوات المسلحة مع الرئيس المخلوع أن ينهى هذا الجدل الموجود في الشارع وأن يعلن تنحيه عن السلطة لأن الشعب شكله كدة راسه ناشفة وجاب أخره المهم مبارك أخد بعضه وكلم عمر سليمان وقاله أخطف رجلك لقصر الرئاسة عايزك في موضوع مهم قاله مسافة السكة
بعد لما جه قاله هتقرى الكلمتين دول قدام الكاميرا وأنا هلم هدومي أنا والمدام وهنطلع على شرم
أنا تعبت من موضوع الرئاسة دا وكدة كدة الناس مش هتسيب الواد جمال يتهنى بالحكم
فقاله عنيا يا ريس وراح
وهوة ماشي نادم عليه وقاله يا عمر قاله نعم يا أبو الروس قاله متنساش تضرب بوز وأنت بتقوم الكلمتين دول قاله ودي تفوتني
المهم بعد ان قراءة الخطاب والناس فرحت والدنيا والعالم مصهلل مع المصريين وفارحانين أن مبارك مشي
بدأت بعد ذلك رحلة الجُمعات جمعة كذا وجمعة كذا والكلام دا لحاد لما وصلنا للأمتحانات والشباب أنشغلت ومفيش ولا جمعة بتتم في التحرير والميدان فاضي كل يوم جمعة
ونظرت بتمحص في خلال هذه الفترة ماذا فعل لنا المجلس العسكري وجدت أنه أنتهى من أرسال رسائل للشعب المصري العظيممن خلال صفحته على الفيس بوك وكأنه مش عايز يِشغل الشباب عن الذاكرة
إيه اللي ؟؟؟
وحصل أن كل يوم بنسمع عن تأجيل محاكمة كذا والأفراج عن كذا ويا عيني شباب الثورة المحبوسين فيسجون عسكرية طالعة عين أهليهم ولا حد سائل فيهم وهما اللي راحوا في الرجلين مع حق الشهداء
وأنتهى عصر مليونيات التحرير في رأيي الشخصي بعد أن بدأ الأخوان في التحضير للأنتخابات ومش عايزين يرهقوا الناس بتوعهم في التحرير تاني وبعد ان بدأت مجموعة الأحزاب الجديد في التحضير لبرمجها
وكأن الثورة راحت مشوار ومرجعتش
أرجوكم أيها المناضلون أيها النخبة أيها الأخوان أيها السلفييون ايها الليراليوا أيها العلمانيون أيهاالمصرييون أرجعوا مرة أخرى إلى الميدان وإلى كل ميادين أرجعوا لروح الثورة لا تتوقفوا عن المطالبة بحقوبتارهمشهدائكم وحق أهلهم في القصاص العادل
وأكررها (وجع ساعة ولا كل ساعة ) أرحمونا بقى أنتوا مش قادرين تتوحدوا يومين على بعض
ياريت يا جماعة اللي أخد التورتة يرجع يحطها في التلاجة ويسيب الناس ترجع تاني مع بعض مطلبهم واحد
أحنا عايزين دولة العدل
أحنا عايزين حق الشهداء
أحنا عايزين حقنا من اللي سرقنا
أحنا عايزين تغيير
أحنا عايزين حرية
أحنا عايزين عدالة أجتماعية
أحنا عايزين شفافية
الشعب يريد أحترام العقول
يا جماعة أحنا أخدنا المخدر ولازم نفوق منه مفيش تغيير حقيقي كله تغيير أماكن وأسماء
أنا كنت متفائل ومازلت متفائل
المجد للشهداء
تحياتي
#25jan :)
ليست هناك تعليقات:
إرسال تعليق